Сергей Маркедонов кусæг балцы ис Дзæуджыхъæуы

Дзæуджыхъæумæ кусæг балцы ссыд Сергей Маркедонов. Æппæтадæмон ахастдзинæдты мæйскуыйаг паддзахадон институты эксперт амыдта лекци Цæгат Ирыстоны паддзахадон университеты. Сӕйраг темӕтæ: "Россия на Кавказе, ее идентичность". Архайджытӕ ма ныхас кодтой ӕддагон политикӕйы фарстатыл. Сергей Маркедонов у "Новая роль постсоветских государств", зæгъгæ, программæйы разамонæг. "Ӕппæтадæмон аналитикӕ"-йы сӕйраг редактор куыд зӕгъы, афтӕмӕй Кавказ йӕ зӕрдӕйы ахсы сӕрмагонд бынат. Регионтӕ ахсджиаг сты геополитикон процесстӕ ӕмбарынады, бӕстӕйы культурӕтӕ ӕмӕ интерестӕ кӕм баиу вӕййынц, ахӕм ран. Мадзалы нысан — фӕсивӕды критикон хъуыдыкӕнынад рӕзын кӕнын. Мадзаларазджытæ — республикӕйы хицауад, Цӕгат Ирыстоны паддзахадон университет, промышленникты ӕмӕ амалхъомты регионалон цӕдис.