Дзӕуджыхъӕуы Намысы аллейы æрымысыдысты Беслӕны теракты амӕттӕгты

Дзӕуджыхъӕуы Намысы аллейы æрымысыдысты Беслӕны теракты амӕттӕгты. Дӕсгай адӕймӕгтӕ ӕрбацыдысты цыртмӕ. Монумент арӕзт у, 2004-æм азы сентябры чи фӕмард, уыцы сывӕллӕттӕн, ахуыргӕнджытӕн. Мысæн акци расидтысты Адӕмты хӕлардзинады республикон хӕдзар ӕмӕ Уӕрӕсейы сылгоймӕгты цӕдис. Архайдтой дзы студенттӕ дæр. Æрыгон фӕлтӕр райгуырд фыццæгæм скъолайы трагедийы фӕстӕ. Æмæ мадзаларазджытæ ахсджиаг хъуыддагыл нымайынц уыцы цауты тыххӕй фӕсивӕдӕн рӕстдзинад равдисын. Ахсджиаг у сæрмагонд дæлхайæдты лӕгдзинады тыххӕй радзурын дæр. Уыдон ирвӕзын кодтой амынӕты уӕвджыты, сæхи цард не 'вгъаугæнгæйæ. Кæронбæттæны, чи фӕмард, уыдоны ном ссардтой иу минут ӕдзӕмӕй алӕугӕйӕ.