525 бинонтæ бафыстой сывæллæтты ахуыр мадæлты капиталæй

Цӕгат Ирыстоны мадæлты капитал арӕхдӕр хардз кӕнын райдыдтой сывӕллӕтты ахуырадыл. Дыууӕ мины дыууын ӕхсӕзӕм азы райдианӕй фæстæмæ ацы фæрæзтæй спайда кодтой фондзсӕдӕ дыууын фондз бинонтӕ. Паддзахад уымӕн рахицӕн кодта цыппор милуан сомӕй фылдӕр. Ацы ӕхцайӕ ис бафидын сывӕллӕтты рӕвдауӕндӕттӕ, скъолатæ, алы хуызы къордтӕ, уӕлдӕр ахуыргæнæндæттæ, репетиторты куыст ӕмӕ суанг студентты ӕмдзӕрӕнтæн дӕр. Фæрæзтæй спайда кæнæн ис бинонты кæцыфæнды сывæллоны ахуырæн дæр. Æрмæст хъуамæ сабийы райгуырдӕй æртæ азы рацæуа. Фæлæ сывӕллӕтты рӕвдауӕндон фидыны бар ис уайтагъд.