Æппæтадæмон хæлардзинады бон | Дæ райсом хорз, Ирыстон!

Æцæг æмбал равзарын зонын хъæуы, фæзæгъынц.  Чеджемты Æхсар дæр уый тыххæй кувы: "Æмбалы хорзæх дæ уæд!". Уыцы арфæйæ фæхайджын сты Кочиты Георгий æмæ Къумæллæггаты Владимир.  "Иу хæдон дыр сын уæрæх у" кæмæй фæзæгъынц, ахæм хæлæрттæ сты. Куыд равзæрд дыууæ артисты `хсæн æртхорддзинад, стæй сын куыд бантыст, цымæ, 40 азы сæрты йæ ахæссын? Кæд, æцæгæйдæр, æргом ныхас хæлардзинад нæ халы, уæд-ма сын сæ зæрдиаг дзуæппытæм байхъусæм.