Фæззыгæнд культурæтæ Цæгат Иристоны æмбырд кæнынц пъланмæ гæсгæ

Цæгат Ирыстоны æнхъæлмæ кæсынц бæркадджын тыллæгмæ. Хъæууон хæдзарады министрады куыд фехъусын кодтой, афтæмæй фæззыгæнд культурæтæ 'фснайынц пъланмæ гæсгæ. Быдыртæн сæ фылдæр хай ныридæгæн æмбырдгонд æрцыдысты, къæвдатæ архайд нæ бауырæдтой. Куыд раздæр, афтæ ныр дæр фылдæр тыллæг систой мæнæу - 36 цетнеры иу гектарæй æмæ хъæбæрхор - 28 центнеры. Фæззыгæнтимæ иумæ æмбырд кæнынц чылауи, фæткъуытæ æмæ æхсынцъы. Артаг фаг кæй нæ уыд, уый аххосæй куыстыты рæстæг специалисттæ сæмбæлдысты къуылымпыдзиндтимæ. Дзуапдæттæг ведомствæты æххуыссæй фарста аиуварс кодтой, артаджы баласт æххæстæй сног кодтой. Культурæтæ бахъахъхъæныны нысанимæ æппæт быдыртæ дæр сифтонг кодтой ихы ныхмæ системайæ - боныхъæды уавæрты тыххæй фермертæн æппынæдзух фехъусын кæнынц гидрометцентры.