Дзæуджыхъæуы 1-æм поликлиникæ сифтонг кодтой реабилитацийы нырыккон кусæнгæрзтæй

Змæлды координаци сног кæнын,хуымæтæг архайдмæ раздæхын. Дзæуджыхъæуы 1-æм поликлиникæйы пациенттæн цæфты æмæ низты фæстæ фæзынд фылдæр фадæттæ дзæбæх кæнынæн. Медицинон реабилитацийы хайады фæзынд нырыккон кусæнгæрзтæ. Дзæбæхкæныны рæстæг ахсджиаг у бæстон архайд. Реабилитацийы хайады пайда кæнынц алыхуызон фæрæзтæй, пациенты уавæр æмæ йæ цæфты æмвæзадмæ гæсгæ. Ног гæрзтæ сты интерактивон - пациенттæн сæ бон у реабилитацийы ахадындзинад уынын. Ног аппараттæй иу – уæллаг уæнгтæн биологон системæ. Сæрмагонд æрмкъух хынцы къухты æмæ æнгуылдзты змæлд, уый фадат дæтты уæзмæ цæст дарын æмæ сабыргай змæлынгæнæн функцитæ сног кæнынæн. Фæлæ интерактивон технологитæ - иунæг ногдзинад не сты. 1-æм поликлиникæ ифтонггонд у сæрмагонд тренажертæй, æххуыс сты цавæрдæр фарстатæ аиуварс кæнынæн. Залы куыст æнæ тренертæй æмæ инструктортæй нæ цæуы. Пациæнттимæ иумæ кусынц хæцъæфтæ фидар кæныныл æмæ æнцойгæнæн аппарат сног кæнынæн. Фæлæ реабилитаци æнтыстджынæй ацæуынæн æрмæст нырыккон кусæнгæрзтæ фаг не сты. Хорз фæстиуджытæн æнæмæнг хъæуы фæлтæрдджын дохтырты æххуыс. Ууыл дæр кусы специалистты къорд. Сæ бæрнон ахастдзинады фæрцы ауварс кæнынц уæззау цæфтæ дæр. Афæдзмæ дзæбæхгæнæн мадзæлттæ ацыдысты 500 адæймаджы. Реабилитацийы хайад архайы республикæйы цалдæр медицинон кусæндоны. Йæ филиалтæ кусынц Дзæуджыхъæуы дыккæм, æртыккæгæм поликлиникæйы, поселок Южныйы рынчындоны. Се ппæты дæр дзы сарæзтой æмбæлгæ уавæртæ дзæбæх кæнынæн. Нырыккон реабилитаци фадат дæтты дзæбæхгæнæн архайд бæлвырддæр æмæ бæстондæр скæнынæн. Ног кусæнгæрзтæ пациенттæн æххуыс сты цыбыр рæстæгмæ сæ къæхтыл слæууынмæ.