Район эчке эшләр бүлеге җитәкчесе Раил Гатауллин

Район эчке эшләр бүлеге җитәкчесе Раил Гатауллин хәбәр итүенчә, телефон һәм интернет аша алданучылар арта бара. Август аенда гына да шундый 6 очрак теркәлгән. Бер райондашыбыз 4 миллион акчасын чит кулларга күчергән. Кешенең беркатлылыгы, тиз ышанучан булуы аркасында хәләл маллар юкка чыга. Хокук сакчылары белдергәнчә, гадәттә, мондый төр җинаятьләр бик авыр ачыла, күп очракта ачылмыйча кала. Мошенниклар бик көчле психологик адымнарга бара, сайлаган корбанын ышандырырлык итеп басым ясый. “Электрон банк“, мобиль элемтә, Интернет нечкәлекләрен һәм чиксез мөмкинлекләрен дә яхшы аңлый. Һәр адымыгызны уйлап ясасагыз иде.