Կրակո՞ւմ են սահմանին. նոր պատերազմը կանխելու իմ տեսլականն ու ծրագիրը

Մեր պետությունը վտանգված է։ Ամեն պահի կարող է հարձակում լինել Հայաստանի Հանրապետության տարածքի վրա։ Այդ հարձակումը հնարավոր չէ կանխել հայտարարելով, որ հայկական կողմը պատրաստ է ստորագրել Խաղաղության պայմանագիրը, կամ տարբեր երկրներից հնչող ողջույնի խոսքերով։ Երբ փորձում եմ այս ամենը բացատրել մեր հայրենակիցներին, հաճախ միևնույն արձագանքն եմ ստանում. – Իսկ ո՞րն է ձեր առաջարկը։ Ես երբեք չեմ քննադատել քննադատելու համար և գրեթե միշտ քննադատական խոսքս հավելել եմ առաջարկներով։ Այսօր էլ ունեմ շատ հստակ ծրագիր։ Կցված տեսանյութում մանրամասն ներկայացնում եմ այդ ծրագիրը, որի իրականացումը մեզ կտա բանակցային խորություն և վերջ կդնի միակողմանի զիջումներին։ Այն մեր պետությունը ծանր իրավիճակից դուրս բերելու հնարավորություն է։ Այն հնարավորություն է՝ մեր պետությունը ծանր իրավիճակից դուրս բերելու։ Հայաստանի փրկության միակ իրական տարբերակը։ Ներկայացրածս քայլերի միջոցով կանխվելու է Սյունիքի վրա հարձակումը։ Մենք ունենալու ենք կանխատեսելի և հասկանալի Հայաստան, ապաշրջափակված տարածաշրջան, խաղաղության համար երաշխիքներ։ Իրապես խաղաղ ենք ապրելու։ Ես համոզված եմ, որ կարող եմ կյանքի կոչել մեր պետության փրկության այս ծրագիրը։ Սակայն իշխանությունը պատկանում է ձեզ՝ ժողովրդին։ Որոշողը դուք եք, լիազորողը նույնպես։ Աստված պահապան Հայաստանի Հանրապետությանը։