Турантаева Екатерина Гаврильевна араас иистэрин виртуальнай быыстапкатын.

Уус Алдан улууһун кииннэммит библиотека тиһигэ С.С.Васильев-Борогонскай аатынан киин библиотека “ТАҤАРА ТАЛБЫТ ДОЙДУТА”ТАНДА СЭЛИЭННЬЭТЭ төрүттэммитэ 150 сылынан “Танда – талааннаахтар түөлбэлэрэ” - виртуальнай быыстапката. - 2020 с. Кылгас историческай ыспыраапка: 1870 сыллаахха 1858 сылтан тутуута саҕаламмыт Ньукуола таҥаратын дьиэтин чочуобуната сибэтии буолан үлэтин саҕалыыр. Бу кэмтэн ыла Танда сэлиэнньэтэ диэн сурукка киирэр. Сылын аайы таҥара дьиэтин тула дьон тоҕуоруйан олохсуйан киирэн барар. Онон Тандатааҕа Ньукуола таҥара дьиэтин чочуобуната сибэтии буолубут күнүн Байаҕантай нэһилиэгин административнай киинэ, урукку Герой Егоров совхоз киин уһаайбата - Танда сэлиэнньэтэ- төрөөбүт күнүнэн ааҕар оруннаах. Бүгүн көрүҥ, сэргээҥ ыраах Дьааҥы улууһуттан төрүттээх, Танданы иккис дойду оҥостубут биир дойдулаахпыт Турантаева Екатерина Гаврильевна араас иистэрин виртуальнай быыстапкатын. Быыстапканы бэлэмнээтилэр: бырайыак ааптара Р.К.Колодезникова, Видеомонтаһын таҥан оҥордо: Тандатааҕы культура киинин үлэһитэ М.М.Неустроев Быыстапкаҕа Е.Г.Турантаева тус архыыптарын матырыйааллара, "Дьааҥы кыыһа" ырыанан доҕуһуолланна.