Уæрæсейы цæуы сфæлыдстадон компетенциты националон чемпионаты кæронбæттæн къæпхæн АртМастер Регион

Уæрæсейы цæуы сфæлыдстадон компетенциты националон чемпионаты кæронбæттæн къæпхæн "АртМастер Регионы".  Федералон зылдтæ ерыс кæнынц "Театр" æмæ "Кино" здæхтытæм гæсгæ. Дыккаджы архайынц 8 къорды, сæ иу Цæгат Кавказы федералон зылдæй. Куратор — Цæгат Ирыстонæй проекты продакшн-менеджер Битарты Ангелинæ. Къорд ныридæгæн бакуыстой "Так не принято", зæгъгæ, цыбыр кинонывыл. Истой йæ Кæсæг-Балхъары. Къорды хыгъды 8 адæймаджы: продюсер, композитор, звукорежиссер, сценарист, моушн-дизайнер, оператор æмæ монтажы режиссер. "Театр" здæхты дæр архайы цæгатирыстойнаг режиссер Муриты Алыксандр. Æрыгон нæлгоймаг этюд сæвæрдта Майкъопы, адæмы размæ йæ рахæсдзæн уалдзæджы Мæскуыйы.