Октябрьскæйы спортивон-дзæбæхгæнæн комплексы сарæзтой ерыстæ ленк кæнынæй

Спортсментæ сæ арæхстдзинад æвдыстой афæдзы дæргъы. Фæлæ ацы физкультурон бæрæгбоны сæ сæйраг нысан ерыс кæнын нæу. Кæронбæттæн къæпхæны ленк кæнынц брасс æмæ баттерфляйæ. Алы баленчы дæр æртæ архайæджы онг. Спорты фыццаг къахдзæфтæ чи кæны, уыцы сывæллæттæй пьедесталыл алчидæр æрлæудзæн. Миленæ ленк кæнынмæ цæуы ныр дыууæ азы. ацы ерыстæ йын сты æртыккæгтæ. Спортивон-дзæбæхгæнæн къордтæм сколиоз æмæ остеохондрозимæ сывæллæттæ бирæ цæуы. Уый сын у дохтырты амынддзинад. Ленкгæнгæйæ, буар фидар кæны. Донмæ ныххизыны размæ уал хъæуы хи бацæттæ кæнын. Техникæйыл та кусынц спортивон ленчы къордты. Дæсны ленкгæнæг суæвын кæй фæнды, уыдоны ахуыртæ æндæхуызон сты: сахат залы, дыууæ — доны. Ам твгъдад æмæ алы фезмæлд дæр ахсджиаг у. Алы спортсмен дæр ерыс кодта хуыздæр цы стилы ленк кæны, ахæм. Тæрхонджытæм уыд хронометртæ. Физкультурон бæрæгбоны сæйрагдæр у искæй нæ, фæлæ хи рекорд басæттын. "Ленк кæнын зонын" — ахæм сæргонд радтой ерыстæн. Сæйрагдæр у, цæмæй сывæллæттæ æхсызгон æнкъарæнтæ райсой. Мадзал бацæттæ кодта Ленк кæныны федераци спорты министрад æмæ Горæтгæрон районы администрацийы æххуысæй.