Рагон хæдтулгæ æмæ шахтæйы телефон I Заманæй

Цалынмæ адæймаг а-зæххыл ис, уæдмæ йæ цард у фæндаг. Кæм раст æмæ лæгъз. Кæм та - гуыргъахъ æмæ тæссаг. Кæмдæр хæрды ссæуы, кæмдæр та йæ зæххы бын дæр басгарын бахъæуы. Раст ахæм адæймагимæ фембæлдыстæм нæ программæйы. Мызуры цæрæг Боциты Алихан йæ царды фæндагыл 90 азы бæрц цæуы. Цы æрымыса æмæ цы радзура, уый дæр ын куыд нæ уыдзæн. Мах та йæ бацагуырдтам, цæмæй нын, зынаргъ ын чи у, уыцы рагон дзаумайы тыххæй радзура.