«КӨЛҮӨНЭ БЫСТЫБАТ СИТИМЭ» күрэх кыттааччылара

Төрөөбүт төрүт тыл күнүгэр уонна Мэҥэ-Хаҥалас улууһугар “Дьиэ кэргэн бигэ туруктаах буолуутун сыла” биллэриллибитинэн, II төгүлүн ыытыллар аһаҕас «КӨЛҮӨНЭ БЫСТЫБАТ СИТИМЭ» күрэх түмүгэ.Үүммүт 2022 сыл тохсунньу 20 күнүттэн олунньу 10 күннэригэр дылы куйаар ситимин нөҥүө II төгүлүн аһаҕас «КӨЛҮӨНЭ БЫСТЫБАТ СИТИМЭ» күрэх ыытылынна. Тэрийээччилэр – Д.Ф.Ходулов аат. норуот айымньытын дьиэтэ уонна “Кыталык” оҕо-ыччат эстетическэй киинэ. Төрөөбүт тыл эгэлгэтин, фольклор көрүҥнэрин толоруу үгэстэрин үүнэр көлүөнэҕэ тиэрдии, дьиэ кэргэн ыкса сибээстээҕин көрдөрүү, саха тылынан уус-уран айымньыларын үйэтитии, харыстааһын, тэнитии – маннык сыаллаах-соруктаах күрэхпит дьону түмтэ.