Шымкентте 21 жастағы қызды өлтірген күдікті ұсталды

Шымкентте 21 жастағы қызды пышақтап өлтірген күдікті ұсталды. Қала тұрғыны қазір уақытша ұстау изоляторына қамалған. Еске салайық, бойжеткен пышақ жарақатынан 11-қаңтар күні қаза тапқан еді. Марқұмды өзінің танысы қуалап жүріп, бірнеше рет пышақтаған. Іздеу жұмыстарына қалалық Полиция департаментінің жеке құрамы толықтай жұмылдырылды. Қаланың кіреберіс және шығаберіс бағыттарында бақылау күшейтілді.