Цæгат Ирыстонмæ уæлахизимæ сыздæхт грекъаг-ромаг хъæбысхæстæй дунейы чемпион Беслехъоты Зауыр

Цæгат Ирыстонмæ уæлахизимæ сыздæхт грекъаг-ромаг хъæбысхæстæй дунейы чемпион Беслехъоты Зауыр. Æфсæнвæндаджы вокзалы йыл æхсызгонæй сæмбæлдысты йæ хиуæттæ, хæлæрттæ æмæ тренер. Спортсмен сызгъæрин майдан рамбылдта 20 азы кæуыл цæуы, уыцы фæсивæды 'хсæн 72 килограммы уæзы. Æрыгон адæймагæн ацы хæрзиуæг дыккаг у. Йæхæдæг куыд зæгъы, афтæмæй æнцон нæ уыд, фæлæ йæ тыхтæ сæмбырд кодта. Кæронбæттæны тохы Зауыр фембæлд Сомихы минæвар Ашот Хачатрянимæ æмæ фæуæлахиз 6:5 хыгъдимæ.