"Библиотека- барыбыт киэн туттуута". Биэрии Никонова Мария Николаевнаҕа ананар

Күндү ааҕааччылар! Быйыл Уус Алдан улууһугар культурнай-сырдатар салаа тэриллибитэ 75 сылын туолла. Культура киэҥ эйгэтигэр библиотека ааҕар балаҕантан саҕалаан биир сүрүн миэстэни ылар. Библиотека 95 сыллаах историятыгар элбэх киһи үлэлээн, нэһилиэк олоҕор биллэр суолу-ииһи хаалларбыттара, норуот сайдыытыгар дьоһун кылааттарын киллэрбиттэрэ. 75 сыллаах үбүлүөйгэ анаан «Библиотека – барыбыт киэн туттуута» диэн циклы салҕаан, библиотечнай үлэ ветерана, Өлтөх нэhилиэгэр библиотека сэбиэдиссэйинэн үлэлээбит Мария Николаевна Никонова үлэтин сырдатабыт.