Баарбын биллэрээри суруйабын...

Саллааттар суруктара ама кими долгуппат буолуохтарай! Сибилигин тохтон хаалыахтыы саһарчы хаппыт кумааҕылаах,суруктара бичиктэрэ сүтүөхчэ буолбут сэрии толоонуттан элбэх моһоллору ааһан Байаҕантай сиригэр кэлбит күүтүүлээх күндү суруктар! Кинилэр Байаҕантай дьоно ол уодаһыннаах сэриигэ кыттыыларын дьиҥнээх туоһулара... Готовцев Гаврил Петрович ийэтигэр Матрена Осиповнаҕа суруйбут суруга.Матрена Осиповна Баайаҕаттан кийиит буолан сүктэн кэлэн икки уол оҕолонон кэргэнинээн ньир бааччы Тандаҕа олорбуттара.Уолаттара - икки кынаттара, Ньукулайдаах Хабырыыс, оччотооҕу ыччат тэҥинэн Танда сэттэ кылаастаах оскуолатын бүтэрэн Ньукулай учууталлар курстарыгар үөрэнэн Бэрдьигэстээххэ учууталынан үлэлиир,субу кэргэн ылаары сылдьан онтон Хабырыыс - холкуос төһүү үлэһитэ сэриигэ ыҥырыллыбыттара.Кийиит киирбэтэҕэ, оҕо хаалбатаҕа арай бу кэмчи тыллаах аҕыйах сурук хаалбыттара.