Уæрæсейы адæргъвæтин кодтой машинæйыл цæуынæн бардæттæг гæххæттыты æмгъуыд

Æхсызгон хъусынгæнинаг шофыртæн. Уæрæсейы адæргъвæтин кодтой машинæйыл цæуынæн бардæттæг гæххæттыты æмгъуыд. Хицауады уынаффæ йæ тыхы бацыд фарон 28-æм декабры. Уыимæ, уæлæмхасæн ивддзинæдтæ сæрмагонд гæххæтмæ хæссын нæ хъæуы. Уæ зæрдыл уын æрлæууын кæндзыстæм, ахæм домæн ма нысангонд æрцыд 2022-æм азы дæр. Уæд премьер Михаил Мишустин куыд фæнысан кодта, афтæмæй ногдзинады руаджы уæрæсейæгтæ рогдæрæй иуварс кæндзысты административон хъуыддæгтæ, уæлдайдæр та амалхъом адæм.