Мияссәр Шәрипов

Без бик еш кына юк-барга да зарланырга, уфтанырга яратабыз. Янәсе ник болай булды, миңа гына инде бар авырлык дигән сүзләрне еш кабатлыйбыз. Ә янәшәбездә язмышның авыр сынауларына бирешмичә, бүгенге тормышыннан ямь һәм тәм табып яшәүче райондашларыбыздан үрнәк алырга омтылып та карамыйбыз. Аякларына баса алмаса да, үз дөньясын сау-сәламәт кешеләр дә көнләшерлек итеп корган, һәр туган көнне шөкер итеп каршы алучы Мияссәр Шәрипов шундый ир-егетләребезнең берсе.