Молитва Пресвятой Богородице пред иконой Ея «Знамение» Новгородская. Празднование 10 декабря.

Молитва Пресвятой Богородице пред иконой Ея «Знамение» Новгородская. Празднование 10 декабря. Ра́дуйся, Влады́чице, зна́мение ми́лости Твоея́ на́м явля́ющая. Знамение икона Божией Матери. 10 декабря https://youtu.be/BVDm1ykHjsA "Знамение" икона Божией Матери. Празднование 10 декабря https://youtu.be/TcHyEA3YPkc Курская икона Божией Матери Знамение. Празднование 21 марта. https://youtu.be/Pgmb62KlfnE Источник (молитва): сайт https://akafistnik.ru О Пресвята́я и Преблагослове́нная Ма́ти Сладча́йшаго Го́спода на́шего Иису́са Христа́! Припа́даем и покланя́емся Тебе́ пред свято́ю чудотво́рною ико́ною Твое́ю, воспомина́юще ди́вное зна́мение Твоего́ заступле́ния, Вели́кому Нову́граду от нея́ явле́нное во дни́ ра́тнаго на се́й гра́д наше́ствия. Смире́нно мо́лим Тя́, всеси́льная ро́да на́шего Засту́пнице: я́коже дре́вле отце́м на́шим на по́мощь ускори́ла еси́, та́ко и ны́не на́с, немощны́х и гре́шных, сподо́би Твоего́ ма́терняго заступле́ния и благопопече́ния. Спаси́ и сохрани́, Влады́чице, под кро́вом ми́лости Твоея́ Це́рковь святу́ю, гра́д Тво́й (оби́тель Твою́), всю́ страну́ на́шу правосла́вную и все́х на́с, припа́дающих к Тебе́ с ве́рою и любо́вию умиле́нно прося́щих со слеза́ми Твоего́ заступле́ния. Е́й, Госпоже́ Всеми́лостивая! Умилосе́рдися на ны́, обурева́емыя грехи́ мно́гими, простри́ ко Христу́ Го́споду богоприи́мнеи ру́це Твои́ и предста́тельствуй за на́с пред бла́гостию Его́, прося́щи на́м проще́ния прегреше́ний на́ших, благоче́стнаго ми́рнаго жития́, благи́я христиа́нския кончи́ны и до́браго отве́та на Стра́шнем суде́ Его́, да, спаса́еми всеси́льными Твои́ми к Нему́ моли́твами, блаже́нство ра́йское унасле́дуем и со все́ми святы́ми воспое́м пречестно́е и великоле́пое и́мя достопокланя́емыя Тро́ицы, Отца́ и Сы́на и Свята́го Ду́ха, и Твое́ ве́лие к на́м милосе́рдие, во ве́ки веко́в. Ами́нь.