Сывæллонджын бинонтæн фадат фæзынд ног фиддон райсынæн

Нæ равдыст райдайдзыстæм бинонтæн æххуысы ног гæнæнтæй. Дыууæ кæнæ фылдæр сывæллоны чи хъомыл кæны, уыцы ныййарджытæн фадат ис цы хъалонтæ бафыстой, уыдонæн сæ кæцыдæр хай фæстæмæ раздахынæн. Сæйраг домæн — æххуысцух уæвын. Иу адæймаджы рæстæмбис æфтиагмæ бафтауынц фæллойы, амалхъомады æмæ профессионалон куысты фæрæзтæ афæдзмæ. Хъуамæ регионы фæцæрынæн æппынкъаддæры бæрцæй 1,5 фылдæр ма уой. Уæ зæрдыл уын æрлæууын кæндзыстæм, Цæгат Ирыстоны фиддон у 18 мины 579 сомы мæймæ. Домæнты 'хсæн — алиментты хæс ма дарын, Уæрæсейы гражданин уæвын æмæ официалон æгъдауæй кусын. Курдиæттæ бадæттæн ис 1-æм июнæй 1-æм октябрьмæ.