Уæрæсейы гвардийы ведомствойы бæрны чи нæй, уыцы хъахъхъæнæн службæйы автомобилон парк фæфылдæр

Уæрæсейы гвардийы ведомствойы бæрны чи нæй, уыцы хъахъхъæнæн службæйы автомобилон парк фæфылдæр. 24 ног патрулон хæдтулгæйы дæгъæлтæ дæлхайæдты минæвæрттæн кадджын уавæры радтой вице-премьер Томайты Ирбег æмæ Уæрæсейы гвардийы регионалон управленийы хицау Валерий Голота. Машинæтæ «Лада-гранта» ацыдысты техникон æркаст, ифтонггонд сты хъæугæ кусæнгæрзтæй. Уыимæ ма сæ пайда кæнæн ис боныхъæды алы уавæрты дæр. Сæрмагонд хæдтулгæтæ райстой Цæгат Ирыстоны Уæрæсейы национ гвардийы ведомствойы бæрны чи нæй, уыцы хъахъхъæнæн службæйы 19 дæлхайады.