Нывгæнджыты цæдисы залы байгом æрвылазон фæсивæдон равдыст

Æмбал кæмæн нæй, ахæм сурæттæ æмæ дунемæ хи цæстæнгасæй ракæсын. Нывгæнджыты Цæдисы залы байгом æрвылазон фæсивæдон равдыст "Ирыстоны æвзонгад". Ацы аз æй снысан кодтой Цæгат Ирыстоны адæмон нывгæнæг, поэт, публицист, æхсæнадон архайæг Абойты Зауырбеджы райгуырды нæуæдз фондз азæн. Эспозицийы — æвдай авторы дыууæ сæдæ куыстæй фылдæр. Техникæтæ сты алывæрсыг: нывкæнынад, графикæ, скульптурæ æмæ декоративон-æрмдæсныйады аивад. Архайджыты 'хсæн - куыд æрыгон, фæлтæрдджын автортæ, афтæ ныридæгæн Уæрæсейы нывгæнджыты Цæдисы уæнгтæ чи систы, уыдон. Равдыст ахæсдзæн æртæ къуырийы. Алы авторæн дæр дæтты йе сфæлдыстадон хи æрмдзæф равдисыны фадат.