ПРЕЗИДЕНТ ИШОНГАН МАДАНИЯТ ВАЗИРИ "ЭХСОН" КОНЦЕРТИНИ НЕГА РАД ЭТДИ! КАМБАҒИЛЧИЛИККА ЯНА БИР ҚАДАМ

Хурматли Шавкат Миромонович! Ушбу аризани ёзишимдан мақсад, мен ёш тадбиркор Садоқат Раупова, ўзим аслида ёшликдан етим ўсганман, кўп қийинчиликлар кўриб оёққа турганман. Юқоридаги каби хаётда кўп азоб уқубатлар кўрган аёл сифатида, ўзим сингариларни дардини ва ташвишини жуда яхши қалбан англайман ва тушунаман. Шу мақсадда, эхтиёжманд, кам таъминланган, ногиронлиги бор фуқролар учун, шароит яратиш, уларнинг кўнглини кўтариш ва руҳан ҳамда моддий томонлама кўмак бериб қўллаб қувватлаш учун, юртимизда концерт ва томоша тадбирларига тўлиқ рухсат берилиши муносабати билан ўзимнинг анчадан бери режалаштириб юрган, эзгу мақсадларим мужассам савоб ишга қўл уришимга ва тадбиркорлик фаолиятимни амалга оширишимда амалий кўмак беришингизни сўрайман. Келгусидаги тадбиркорлик ва савобли ишим фаолияти ҳақида маълумот берадиган бўлсам, мен ўз ҳисобимдан, ҳеч қандай кредит ёки давлат субсидиялари олмасдан туриб, республика миқёсида концерт-томоша фаолиятини олиб борган ҳолда, маданият ва санъатни ривожлантириш, халқнинг, хусусан ёшларнинг бўш вақтини мазмунли ташкил этиш, камбағалликни қисқартиришни асосий вазифам қилиб белгилаб олганман. Бир сўз билан айтганда муҳтарам юртбошимиз Шавкат Миромонович, Сизнинг таъбирингиз билан айтганда, бугунги давлат сиёсати даражасига кўтарилган масалалар бўйича ўз ҳиссамни оз бўлсада қўшмоқчиман. концертлар дастуридан тушган соф фойданинг 60-80%ни яъни, ушбу ташкил этиладиган концерт-томоша тадбирларидан тушган тушумдан шаҳар кесимида, тахминан 100-150 млн сўм, туман кесимларида эса, 50-80 млн сўм атрофида маблағларни ҳар бир вилоят, шаҳар ва туман ҳокимликларининг кўрсатмаси асосида шу ҳудудлардаги кам таъминланган, боқувчисини йўқотган, болалар ва қариялар уйига, кўмакка муҳтож, якка ёлғиз оилалар, ижтимоий хасталиги бор ҳамюртларимиз, спорт ва санъатнинг ривожлантирилишига, шаҳар ҳамда туманларнинг обонлаштирилишига ўз хиссамни қўшмоқчиман. Шунингдек, ушбу вилоят, шахар ва туманларда, мен томонимдан ташкиллаштирган концерт дастурларида, шу худудлардаги ўта оғир шароитда истиқомат қилиб келаётган ҳамюртларимизнинг оилавий аҳволларини ўрганган ҳолда кимнинг нимага эхтиёжманд эканлигини хокимлик, хотин қизлар бўлимлари ва маҳаллабай кесимда ўрганиб, таклифнома асосида уларни концерт дастурларига таклиф қилиб, биз томонимиздан сотиб олинган маиший техникалар (телевизор, музлатгич, кир ювиш машинаси, совутгич, газ плитаси, компютер ва бошқалар) ни шахсан Маданият вазирлиги вакиллари, хокимлар ва таъниқли санътакорлар ўз қўллари билан шаҳар миқёсида 30-40 кишига ва туман миқёсида 20-30 кишига тантанали топшириб, уларга хурсандчилик улашиб яшашга бўлган иштиёқларини яна ошириб, вазирлик, хокимлик ва мутасаддилардан мамнун эканликлари таассурортини уйғотишдан иборат. Жумладан, ёшларнинг фикр-мулохазаларини инобатга олиб ёш эстрада юлдузларини ва ўрта ҳамда катта ёшдаги санъат шинавандалари учун устоз санъаткорлар иштирокида, қолаверса мухлисларнинг талаб ва истагига қараб 8-10 тагача хонанандалардан иборат ГАЛА концертлар, ҳар бир концерт учун уларнинг харажатидан ташкари даражасига қараб ҳар бир хонандага 4-5 млн сўмдан 10 млн сўмгача гонарар тўлаш шарти билан, кузнинг охирги ойларига қадар маданий тадбирларни ПҚ-36-сон 09.12.2021 “Маданият ва санъатни ривожлантиришни қўллаб-қувватлаш тизимини янада такомиллаштириш тўғрисида”ги қарори ва Вазирлар Маҳкамасининг 205-сонли ҳамда 354-сонли қарорларига биноан ўтказишни режалаштирганман. Мен томонимдан режалаштириладиган концерт дастурига келувчи хонанда ва унинг ижодий гуруҳ жамоаси ташриф харажатлари, яъни санъаткорларнинг хизмат ҳақлари, ётоқхона, овқатланиш, радио, ТВ, афиша, билборд рекламалари ва бошқа харажатларини ўз ҳисобимдан тўлиқ амалга ошираман. Бироқ, юқоридаги барча ижтимоий катта миқдордаги ҳомийлик маблағлари ва совғалари, шунингдек ташриф буюрувчи санъаткорлар ҳамда уларнинг жамоасига алоқадор харажатлар менинг зиммамга юкланар экан, шулардан келиб чиққан ҳолда концерт дастуридаги иштирок этувчи хонандаларнинг чегирмали-имтиёзли тўлов асосида қатнашишини таъминлашда ҳукумат миқёсида вазирликларга амалий кўмак беришингизни, шунингдек буни тизимли тарзда тегишли буйруқ асосида барча вилоят ҳокимликларига тавсия беришингизни илтимос қилиб сўрайман! Ҳурматли Шавкат Миромонович! 2022 йилнинг 1 март кунидаги йиғилишда сўзлаган нутқингизда шундай иқтибос келтирдингиз: “Биз мамлакатимизда истиқомат қилаётган барча опа-сингилларимиз, қизларимиз, мўътабар оналаримизга муносиб шароит яратиб бериш учун бундан буён ҳам барча имкониятларимизни имшга соламиз” дея таъкидлаган эдингиз. Мен Сиздек адолатпарвар ва меҳрибон президентимга ишонаман, Сизнинг кўмагингиздан умидворман дея... Ҳурмат ва эътиром ила ёш тадбиркор / / С. Раупова. +(99893)682-75-77, +(99855)-305-75-95, +(99890)635-22-31