В.В.Ноев төрөөбүтэ 85 сылыгар аналлаах "Мин дууһам ыллыыр" аһаҕас ырыа күрэҕин Гала-кэнсиэрэ 6.04.24

2024 сыл муус устар 6 күнүгэр Мэҥэ Хаҥалас улууһун Майа сэлиэнньэтигэр Д.Ходулов аат.Култуура киинигэр Саха биллиилээх мелодиһа, самодеятельнай композитор, ырыаһыт Валерий Власьевич Ноев төрөөбүтэ 85 сылыгар аналлаах "Мин дууһам ыллыыр" өрөспүүбүлүкэтээҕи бөлөҕүнэн толорооччуларга ырыа күрэҕэ ыытыллыбыта. Дмитрий Федорович Ходулов аатынан култуура киинин сценатыгар – Бүлүү, Таатта, Амма, Чурапчы, Хаҥалас, Мэҥэ-Хаҥалас улуустартан уонна Дьокуускай куораттан 25 ырыа куттаах вокальнай коллективтар күрэххэ кыттан, ырыа кэрэ эйгэтин сэҥээрээччилэрин уонна көрөөччүлэр биһирэбиллэрин ылбыттара. Сиһилии hodulov.ru ааҕын