"Ойуулуур - дьүһүннүүр искусство умсулҕана"- ини-бии Колодезниковтар

Уус Алдан улууһун кииннэммит библиотека тиһигэ С.С.Васильев-Борогонскай аатынан киин библиотека “ТАҤАРА ТАЛБЫТ ДОЙДУТА”ТАНДА СЭЛИЭННЬЭТЭ төрүттэммитэ 150 сылынан “Танда – талааннаахтар түөлбэлэрэ” - виртуальнай быыстапката. - 2020 с. Кылгас историческай ыспыраапка: 1870 сыллаахха 1858 сылтан тутуута саҕаламмыт Ньукуола таҥаратын дьиэтин чочуобуната сибэтии буолан үлэтин саҕалыыр. Бу кэмтэн ыла Танда сэлиэнньэтэ диэн сурукка киирэр. Сылын аайы таҥара дьиэтин тула дьон тоҕуоруйан олохсуйан киирэн барар. Онон Тандатааҕа Ньукуола таҥара дьиэтин чочуобуната сибэтии буолубут күнүн Байаҕантай нэһилиэгин административнай киинэ, урукку Герой Егоров совхоз киин уһаайбата - Танда сэлиэнньэтэ- төрөөбүт күнүнэн ааҕар оруннаах. Бүгүн көрүҥ, сэргээҥ биир дойдулаахтарбыт худуоһунньук идэлээх убай быраат Иннокентий, Федот Колодезниковтар уруһуйдарын, уран оҥоһуктарын виртуальнай быыстапкатын. Быыстапканы бэлэмнээтилэр: бырайыак ааптара Р.К.Колодезникова, Таҥан оҥордо: Л.С.Колодезникова Быыстапкаҕа Тандатааҕы историческай-археологическай музей уонна Колодезниковтар тус архыыптарын матырыйааллара, киэҥ эйгэ аһаҕас ситимиттэн А.Потапов "Бииргэ төрөөбүттэр" ырыатынан доҕуһуолланна.