Калининскай Василий Иннокентьевич маһынан чочуйбут, оҥоһуктарынан виртуальнай быыстапката

Уус Алдан улууһун кииннэммит библиотека тиһигэ С.С.Васильев-Борогонскай аатынан киин библиотека “ТАҤАРА ТАЛБЫТ ДОЙДУТА”ТАНДА СЭЛИЭННЬЭТЭ төрүттэммитэ 150 сылынан “Танда – талааннаахтар түөлбэлэрэ” - виртуальнай быыстапката. - 2020 с. Кылгас историческай ыспыраапка: 1870 сыллаахха 1858 сылтан тутуута саҕаламмыт Ньукуола таҥаратын дьиэтин чочуобуната сибэтии буолан үлэтин саҕалыыр. Бу кэмтэн ыла Танда сэлиэнньэтэ диэн сурукка киирэр. Сылын аайы таҥара дьиэтин тула дьон тоҕуоруйан олохсуйан киирэн барар. Онон Тандатааҕа Ньукуола таҥара дьиэтин чочуобуната сибэтии буолубут күнүн Байаҕантай нэһилиэгин административнай киинэ, урукку Герой Егоров совхоз киин уһаайбата - Танда сэлиэнньэтэ- төрөөбүт күнүнэн ааҕар оруннаах. Бүгүн көрүҥ, сэргээҥ биир дойдулаахпыт Уус Алдан улууһун норуотун маастара, Калининскай Василий Иннокентьевич маһынан, керамиканан чочуйбут иһиттэрин; улуус, нэһилиэк Мэҥэ бэлиэлэрин оҥоһуктарынан виртуальнай быыстапкатын. Быыстапканы бэлэмнээтилэр: бырайыак ааптара Р.К.Колодезникова, Макарова Людмила Васильевна Быыстапкаҕа Калининскайдар тус архыыптарыттан матырыйааллар, киэҥ эйгэ аһаҕас ситимиттэн Айыына Акимова «Дьол чорооно» ырыатынан доҕуһуолланна. Биир дойдулаахпыт И.Готовцев «Танда - өбүгэ ситимэ» киинэтиттэн быһа тардыы киллэрилиннэ.