Республикæйы хицауады уæнгтæ æрдзыртой Цæгат Ирыстоны эпидемиологон уавæрыл
Цæгат Ирыстоны цæрджыты 'хсæн сараздзысты лæвар тестировани. Уый тыххæй Оперативон Штабы фехъусын кодта республикæйы сæргълæууæг Сергей Меняйло. Ахæм хуызы фадат уыдзæн вирус рагагъоммæ рабæрæг кæнын. Хицауады сæрдары хæдивæджы хæстæ рæстæгмæ æххæстгæнæг Александр Реутов бахаста тестировани æхсæнадон бынæтты аразыны фæндон. Сæрмагондæй коллективты, ахуырадон уагдæтты, базарадон-ирхæфсæн центрты, поликлиникæтӕ æмæ рынчындæтты. Тестировани аразынвæнд кæнынц æнæмæнг медицинон фæдзæхстады фæрæзты фæрцы. Уæрæсейы фæлхасгæнджытæм цæстдарды управленийы амынддзинæдтæм гæсгæ æмæ, эпидемиолгон уавæр кæй æвзæрдæр кæны, уымæ гæсгæ республикæйы разамынд бахаста, паддзахадон службæты чи кусы, уыдонæн æнæмæнг вакцинаци ацæуыны хъæппæрис. Лæггæдтæ чи дæтты, уыцы къабазы кусджытæн та саразын хъæуы тестировани æнæмæнг ацæуыны мадзал. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv
Название:
Республикæйы хицауады уæнгтæ æрдзыртой Цæгат Ирыстоны эпидемиологон уавæрыл
Категория:
Новости и СМИ