Дзæуджыхъæуы фæци 20-æм наукон-практикон конференци «Владикавказские Колмогоровские чтения», зæгъгæ

Дзæуджыхъæуы фæци 20-æм регионалон наукон-практикон конференци «Владикавказские Колмогоровские чтения», зæгъгæ. Аразынц æй 2003-æм азæй - зындгонд математик Андрей Колмогоровы 100 азæй нырмæ. Ацы аз мадзал сбастой Уæрæсейы наукæты академийы 300 азимæ, стæй академийы Дзæуджыхъæуккаг наукон центры 30 азимæ. Конференцийы архайдтой 27 ахуыргæнæджы æмæ 86 скъоладзауы 7 наукон здæхтмæ гæсгæ: математикæ, физикæ, информатикæ, хими, биологи, истори æмæ филологи. Уæлахиздзауты схорзæхджын кодтой дипломтæ æмæ зæрдылдарæн лæвæрттæй.