Мышәба еиҭеиҳәеит ХХ аиубилеитә арра-спорттә хәмаррақәа "Аиааира" амбҩаԥысшьа атәы

Арра-спорттә хәмаррақәа рхырхарҭақәа рыла мчыбжьык аҩнуҵҟа еицлабуеит 8 командак, урҭ хаҭа-хаҭала ишьақәгылоуп ареспублика араионқәа зегьы ирхаҭарнаку жәаҩык-жәаҩык ашколхәыҷқәа рыла. Аусмҩаԥгатә традициала еиҿыркаауеит Аԥсны аҵара аминистрра Атәылахьчара аминистрра ацхыраарала. Аԥсны аҵара министрра абҩарҵәыреи аррамаҵура азыҟаҵареи рыҟәша аспециалист еиҳабы Беслан Мышәба Sputnik аҟны далацәажәеит аусмҩаԥгатә аиҿкаашьа атәы.