Васильева-Лим Анна Павловна сахалыы араас иистэрин виртуальнай быыстапката..

Уус Алдан улууһун кииннэммит библиотека тиһигэ С.С.Васильев-Борогонскай аатынан киин библиотека “ТАҤАРА ТАЛБЫТ ДОЙДУТА”ТАНДА СЭЛИЭННЬЭТЭ төрүттэммитэ 150 сылынан “Танда – талааннаахтар түөлбэлэрэ” - виртуальнай быыстапката. - 2020 с. Кылгас историческай ыспыраапка: 1870 сыллаахха 1858 сылтан тутуута саҕаламмыт Ньукуола таҥаратын дьиэтин чочуобуната сибэтии буолан үлэтин саҕалыыр. Бу кэмтэн ыла Танда сэлиэнньэтэ диэн сурукка киирэр. Сылын аайы таҥара дьиэтин тула дьон тоҕуоруйан олохсуйан киирэн барар. Онон Тандатааҕа Ньукуола таҥара дьиэтин чочуобуната сибэтии буолубут күнүн Байаҕантай нэһилиэгин административнай киинэ, урукку Герой Егоров совхоз киин уһаайбата - Танда сэлиэнньэтэ- төрөөбүт күнүнэн ааҕар оруннаах. Бүгүн көрүҥ, сэргээҥ биир дойдулаахпыт Васильева-Лим Анна Павловна сахалыы араас иистэрин виртуальнай быыстапкатын. Быыстапкаҕа сыһыары тутан «Дьону үөрдэ сырыттарбын» кинигэни электроннай библиотекаҕа киирэн ааҕаргытыгар ыҥырабын. https://e.uacbs.ru/cbselib/kraeved/culture/Vasiliev_Ivan Быыстапканы бэлэмнээтэ: бырайыак ааптара Р.К.Колодезникова, Быыстапкаҕа А.П.Васильева-Лим тус архыыптарын матырыйааллара, И.Васильев "Алаас ахтылҕана", «Дьоҥҥо дьолу баҕаран» «Ырыа» ырыаларынан доҕуһуолланна.