Хүсэл бэелүүлэгдээ

Буряадай альпинизмын холбооной тамиршад Илалтын 80 жэлэй ойн баярта дашарамдуулан, Зүүн Саяанай эгээл үндэр газарта, Мүнхэ-Һарьдаг хадын оройдо гараба. Альпинистнууд элинсэгүүдэйнгээ габьяае хүндэлжэ, Илалтын туг бэедээ абажа ябаа. Мүн баатар үбгэ эсэгэнэрэйнгээ дүрэ зурагуудые абажа, бүхэоросой «Хэтын жагсаал» гэһэн акцида оролсоһон байна.