Дигорайы ацыд Бердиаты Солтаны номыл 10-æм турнир уæгъдибар хъæбысхæстæй

Дигорайы ацыд Бердиаты Солтаны номыл 10-æм турнир уæгъдибар хъæбысхæстæй. Архайдтой дзы 2012–æм – 2013–æм азты гуырд лæппутæ. Æдæппæтæй 200 спортсмены республикæйы районтæй æмæ Хуссар Ирыстонæй. Ерысты хатдзæгтæм гæсгæ уæлахиздзаутæ райстой майдантæ, æхцайы премитæ. Лæвæрттæ бацæттæ кодтой Бердиаты Солтаны кæстæртæ - Бердиаты Вадим, Виталий æмæ Лорæ. Сæрмагонд призтæ райстой турниры æппæты кæстæр архайджытæ. Хицæн номинаци ма снысан кодтой "Хуыздæр техникæйы", "Уæлахизмæ тырнындзинады", "Спортуарзджыты зæрдæмæ æппæты тынгдæр чи фæцыд", уыдонæн.