Плавка кричного железа. Вилюйск Хомустаах 24.09.2026

(24-25).09.2026 c- БҮЛҮҮГЭ – “УОТ УОННА ТИМИР МААСТАРДАРА” БЭСТИБЭЭЛ Балаҕан ыйын 24-25 күннэригэр Бүлүү куоратын “Хомустаах” култуурунай-этнографическай киинин “Уус түһүлгэтигэр”өбүгэ үйэлээх үгэһин утумнуур “Уот уонна тимир маастардара” аһаҕас бэстибээл ыытылынна. Бэстибээл Арыылаах нэһилиэгиттэн төрүттээх Саха Өрөспүүбүлүкэтин норуотун маастара, Бүлүү улууһун бочуоттаах олохтооҕо Тимофей Дмитриевич Павлов – Түмээ Уус төрөөбүтэ 100 сылыгар уонна кини төрөппүт уола удьуору утумнааччы Саха Өрөспүүбүлүкэтин култууратын туйгуна, хомус оҥорууга норуодунай маастара, Бүлүү улууһун норуотун маастара саха хомуһун уонна быһаҕын оҥорууга Аан дойду таһымнаах Арассыыйатааҕы уус академиятын академига, Арассыыйа уустарын Сойууһун чилиэнэ, Саха Өрөспүүбүлүкэтин уустарын уонна металлурдарын Ассоциациятын чилиэнэ, “Гражданскай килбиэн” бочуоттаах бэлиэ хаһаайына, СӨ Ил Дарханын стипендиата Иван Тимофеевич Павлов – Утум Уус 65 сааһыгар ананна. Бэстибээлгэ Бүлүүттэн “Бахсы”, “Урааҥхай”, “Бүлүү уустара”, Үөһээ Бүлүүттэн “Чап уустара”, “Чаҥый уустара”, “Суор уустар”, Мэҥэ-Хаҥаластан “Мэҥэлэр”, Ньурбаттан “Нььырбакаан” ааттаах-суоллаах уонна уус идэтигэр уһуйулла сылдьар тимир, хомус уонна быһах уустара 3-түү киһилээх барыта 8 хамаанданан кыттыыны ылла. Бүлүү. КЭК “Хомустаах” 24.09.2026 сыл.