Бухоро ва Хоразмни чигирткалар босди

Сотрудничество - Telegram: https://t.me/Anaxolosrobot #Бухоро ва #Хоразмни чигирткалар #босди Бухоро ва Хоразм вилоятларини боғловчи А-380 автомобиль йўлини чигирткалар босгани акс этган видеолар тарқалди. Ўсимлик карантини ва ҳимояси агентлиги бу саксовул букри чигирткаси тўдаси эканини маълум қилди. Агентлик берган маълумотга кўра, видеода акс этган ҳолат Бухоро вилоятининг А-380 автомобиль йўлининг 327-километрида кузатилган. Чигирткалар тўдасини ўз вақтида талафотларсиз бартараф этиш мақсадида Бухоро вилоятининг чигиртка ва тут парвонасига қарши кураш хизмати иккита отрядга бўлинган ҳолда кимёвий ишловларни 24/7 режимида олиб бормоқда. “Алоҳида қайд этиб ўтамиз, саксовул букри чигирткаси қишлоқ хўжалиги экинларига зарар етказмайди”, дейилади хабарда. Қайд этилишича, Бухоро вилоятининг Газли массиви, Ромитон, Қоракўл, Тойлоқ туманлари алоҳида назоратга олинган бўлиб, кузатув-мониторинг ишлари ҳам давом этмоқда ФВВ матбуот хизмати хабарига кўра, Бухоро вилоятининг бир нечта ҳудудларида зарарли чигирткалар тарқалгани бўйича вилоят ФВБга хабар келиб тушган. Хабарга кўра, вилоят ФВБ, Ўсимликлар карантини ва ҳимояси агентлиги ҳамда бошқа ҳамкор ташкилотлар воқеа жойига етиб бориб, улар томонидан ушбу ҳудудларда 15 та махсус техника ёрдамида кимёвий ишловлар берилган. Ҳозирда вилоят ҳудудида зарарли чигирткалар билан боғлиқ вазият тўлиқ назоратга олинган.