Hamdu sano duosi / Ҳамду сано дуоси

Жамийки шон-шавкат ва улуғворлик, куч-қувват ва шон-шараф, салтанат ва амру фармон, самовийлик ва фароғат, марҳамат ва қудрат Манбаи бўлмиш Сен Оллоҳимга ҳамду санолар бўлсин. Сен кимни истасанг, ўшани Буюк Уммонингга дохил этгайсан, кимни истасанг, ўшани Қадимий Исмингни билиш бахтига cазвор этгайсан. На самовотда ва на заминда Сенинг амри ироданг бажо бўлишига қаршилик эта билгувчи йўқдир. Сен ўз махлуқотингни мангу бошқарурсан, барча яралганларга ўз ҳукму фармонингни абадий барқарор қилурсан. Сендан ўзга Қудратли, Улуғвор, Қодир, Билгувчи, Илоҳ йўқдир. Ё Парвардигор! Бандаларинг юзини ёритгин, токи Сени кўра билсинлар; қалбларини пок айла, токи Самовий марҳаматинг саройига илтижо этсинлар, ҳамда Сенинг Элчинг ва Моҳиятинг Чироғини таниб етсинлар. Дарҳақиқат, Сен барча оламлар Тангрисидурсан. Сендан ўзга Интиҳосиз, Қаҳҳор Илоҳ йўқдир. Ҳазрати Баҳоуллоҳ http://bahai.uz/uzl