Яңа ел табынының җәй күчтәнәче - алма кагы

Как ясар өчен, гадәттә, ачы һәм татлы җиләк-җимешләр кулланылган: миләш, балан, алма, карлыган һ.б. Как шулай ук дәва, дару буларак та файдаланылган. Бу бигрәк тә кыш көне сизелгән. Гомумән алганда, какны табынга куйганнар, бәйрәмнәрдә чәй белән бергә биргәннәр, пирог эчлеге итеп тә кулланганнар. Татар халкында шулай ук читтән алып килгән как төрләре дә популяр булган. Мисал өчен, әлү кагын атарга кирәк. Без дә әлеге зур тарихлы, әле дә бик яратып ашала торган тәм-томны – алма кагын ясарга булдык.