"Мясцовы час" - Ускраіна (1991)

Словы Алеся Аркуша http://www.nn.by/index.php?c=ar&i=10584 http://knihi.com/arkus/viersy.html За лясамі‑ўзгорамі, За сівымі зорамі Ягадай няспелаю Спіць краіна белая. З поўняй размінулася, Хмарай загарнулася, Голас пахаваўшая, Волі не пазнаўшая. А была шляхетнаю, Гонарам адметная, Моцная і вольная, Да навукі здольная. Прыпеў: Нашай ускраіна, Нашай ускраіна, Нашай ускраіна была, была! Аблокі гоне вецер‑гун, Забыўся ён, што ёсць Пярун, Забыўся, што чакае нас Сурмы працяглы спеўны час. Мой сын маўчыць, маўчу і я: Навокал скрозь — калёнія. Калее ў студзеньскай вадзе Пярсцёнак згубленых надзей. Прыпеў: Наша ускраіна, Наша ускраіна, Наша ускраіна жыве, жыве! Мінулі дні, сышлі гады - І не пазнаеш гарады , І вёсак ранкам галасы, І сонца промень да красы. Прыпеў: (2) Наша ускраіна, Наша ускраіна, Наша ускраіна жыві, жыві!