Корбан гаете.

Бүген бөтен мөселман дөньясы бөек бәйрәмне – Корбан гаетен билгеләп үтә. Иртәдән үк “Ярдәм” мәчете Коръән аһәңнәренә күмелде. Мәчетнең фарз залы Гает намазына килгән мәхәллә мөселманнары белән шыгрым тулы иде. Коридорлар да тулгач, халык урамда җыела башлады. Намазлыкларын чирәмгә җәеп, гает намазын укыр өчен, үзләренә урын җайлый башладылар. “Ярдәм” мәчете имамы Хәбир хәзрәт Ханов укыган, хаҗ гыйбадәте, Корбан бәйрәме һәм якыныңа ярдәм итүгә багышланган бәйрәм вәгазе мөселманнарның күңеленә аеруча тәэсирле булды