Попов Хутормæ фæндаг дарддæр аразынц

Гæмæх хохы хуссарварс уырдыжы Попов Хутор кæй хонынц, уымæ бахизæны 3 километры дарддæр аразынц. Æрæджы куыстытæ федта Сергей Меняйло. Республикæйы сæргълæууæджы ныхæстæм гæсгæ, поселочы цæрджытæ иу æмæ дыууæ хатты нæ куырдтой уыцы фæндагмæ базилын. Специалисттæ ныридæгæн сæвæрдтой асфальт федералон трассæ «Обход Владикавказа»-йæ "Аланийы паркмæ" фæзилæнмæ. Уырдыгæй Попов Хуторы онг дарддæр арæзтадон куыстытæ цæуынц. Æххæст сæ кæнынц национ проект "Хæрзхъæд æмæ æдас фæндæгтæм" гæсгæ. Объект хъуамæ сцæттæ уа афæдзы кæронмæ.