Саха Өрөспүүбүлүкэтин Судаарыстыбыннаһын күнүн көрсө үөрүүлээх миитин уонна мунньах

#КУЛТУУРА СОНУННАРА ⚜️⚜️⚜️⚜️⚜️⚜️⚜️ ҮӨҺЭЭ БҮЛҮҮГЭ САХА ӨРӨСПҮҮБҮЛҮКЭТИН СУДААРЫСТЫБАННАҺЫН КҮНЭ ҮРДҮК ТАҺЫМНААХТЫК ААСТА 🔆🔆🔆🔆🔆🔆🔆 Балаҕан ыйын 26 күнүгэр, Үөһээ Бүлүү улууһун Харбалаах нэһилиэгэр, И.Н. Барахов аатынан Сынньалаҥ Кииҥҥэ, Саха Өрөспүүбүлүкэтин Судаарыстыбаннаһын күнүгэр аналлаах үөрүүлээх мунньах буолан ааста. ⚜️⚜️⚜️⚜️⚜️⚜️⚜️ Былаахтаах 10 уол саала икки өттүнэн киирэн, мунньах кыттыылаахтарын үөрүүлээхтик көрүстүлэр. ⚜️⚜️⚜️⚜️⚜️⚜️⚜️⚜️ Үөһээ Бүлүү улууһун баһылыга Валерий Валерьевич Николаев, Саха Өрөспүүбүлүкэтин тутууга миниистирэ Виктор Дмитриевич Романов, улуус депутаттарын сэбиэтин бэрэссэдээтэлэ Николай Николаевич Николаев, Харбалаах нэһилиэгин баһылыга Константин Данилович Платонов уонна эдэр көлүөнэ бэрэстэбиитэлэ, И.Н. Барахов аатынан I-кы нүөмэрдээх оскуола президенэ - Тимур Максимов тыл эттилэрэ мунньаҕы дириҥ суолталаата. Ону таһынан, анал байыаннай дьайыы кыттыылаахтарын чиэстээһин уонна наҕараадалааһын сүрүн миэстэни ылла. Ону тэҥэ волонтерскай көмө иһин Тобохов Степан Степанович «Волонтеры Саха» хамсааһын бочуоттаах грамотатынан наҕараадаланна, Шестаков Максим Ивановичка «Саха Өрөспүүбүлүкэтин үөрэҕириитин үтүөлээх үлэһитэ» диэн бочуоттаах аат иҥэрилиннэ. Түмүккэ кыттыылаахтар Саха Өрөспүүбүлүкэтэ сайдарыгар, эдэр көлүөнэ үөрэхтээх, дойдутугар туһалаах буола улаатарыгар эрэл баарын эттилэр.