«Хĕрарăма мухтар»

Ырă кăмăллă та черчен чунлă, çав вăхăтрах çирĕп. Çемье ăшшине упракан мăшăр, ачасене тĕрĕс çул çине тăратма тăрăшакан анне. Ĕçре вара – маттур та хастар, яваплă ĕçчен. Сăмах республикăри пултаруллă та хăйсен ĕçне парăннă хĕрарăмсем пирки пырать. Тĕрлĕ производствăра вăй хуракан, çав вăхăтрах пултарулăх патне туртăнакан хĕрарăмсен ĕç ушкăнĕсем хушшинче «Хĕрарăма мухтар» республикăра пĕрремĕш хут ăмăрту иртрĕ.