Студентон сæрдыгон æмбырд "Æрыгон" райдыдта Цæгат Ирыстоны

Студентон сæрдыгон æмбырд "Æрыгон" райдыдта Цæгат Ирыстоны. Архайынц дзы Цæгат æмæ Хуссар Ирыстонæй бæстæйы алы ахуыргæнæндæтты чи ахуыр кæны, уыцы студенттæ. Æдæппæтæй 170 адæймагæй фылдæр. Æмбырд цæудзæн Урсдоны пансионаты 9-æм августмæ. Фæсивæдмæ æнхъæлмæ кæсы лекцитæ, тренингтæ, цымыдисаг фембæлдтытæ. Сæйрагдæр у фæсивæды 'хсæн хæлардзинад апарахат кæнын, регионимæ сæ ног хуызы базонгæ кæнын. Абон æмбырды архайджытæм йæ раныхасимæ фæсидт республикæйы сæргълæууæг Сергей Меняйло.