Милдзыхты Вячеслав фембæлд Дзæуджыхъæуы 13-æм скъолайы ахуырдзаутимæ

Дзæуджыхъæуы администрацийы сæргълæууæг Милдзыхты Вячеслав Нарты кадджыты темæйыл гом урок амыдта 13-æм скъолайы. Сывæллæттимæ ныхас кодта Нарты хъайтарты тыххæй, равзæрстой сын сæ ахсджиагдæр миниуджытæ. Фæстæдæр ма фæсивæд архайдтой викторинæйы дæр. Бæрæгбонмæ скъолайы разамынд бацæттæ кодта бæстон программæ: равдыстой националон хъæзтытæ æмæ тематикон скъуыддзæгтæ, мадæлон æвзагыл бакастысты æмдзæвгæтæ. Милдзыхты Вячеслав куыд фæнысан кодта, афтæмæй кæстæртæн хи дæнцæгæй æвдисын хъæуы ирон адæмы культурæ æмæ æгъдæуттыл аудын кæй хъæуы, уый.