Дзæуджыхъæуы скусын кодтой ног магистралон дондзæуæн хæтæл

Бон раздæр Дзæуджыхъæуы скусын кодтой ног магистралон дондзæуæн хыз. Фондз сæдæ миллиметры диаметримæ хæтæл фæлæудзæн 50 азæй фылдæр. Æнæкъуылымпыйæ донæй æххæст кæндзæн горæты Терчы фалейы хай. Кæд тæрккъæвда уыд, уæддæр объекты куыстой 35 специалисты. Уымæ гæсгæ архайд бакодтой цалдæр сахатмæ. Фæнысан кæндзыстæм, Донæй æфсадæг паддзахадон унитарон куыстуаты разамынд фæлладуадзæн бон равзæрстой медицинон кусæндоны курдиатмæ гæсгæ. Цæмæй Ресупубликон клиникон æмæ сывæллæтты клиникон рынчындæтты пъланмæ гæсгæ операцитæ ма фæкъуылымпы уой.