"Ыллыыбыт эһиэхэ анаан" айар куттаах Сергучевтар дьиэ кэргэн кэнсиэрэ

Дьиэ кэргэн! Бу тыл кэрэтик да иһиллэр – эйиэхэ, миэхэ, барыбытыгар! Күн сиригэр олорооччулар уоттаах итии тапталынан биһиктэнэн, олох сырдык суолугар үктэнэн, алаһа дьиэни тэринэн, аал уот оттунан, оҕо-уруу төрөтөн бэйэ-бэйэлэрин өйдөһөн, өйөнсөн үйэлэрин моҥууллар... Бу этиллибит тылларга холобур оҥостон киэн туттан этэбит – ырыа, муусука, ону тэҥэ спорт эйгэтигэр дьоҕурдаах Ыстапаан Ылдьыыс Сергучёв төрөппүт оҕолоро, ыччаттара – ырыа куттаах, айар дьоҕурдаах улахан дьиэ кэргэни Сергучёвтары! Сэтинньи 23 күнүгэр Д.Ходулов аатынан норуот айымньытын дьиэтэ айар сезонун арыллыыта уус-уран салайааччы Линда Захарова дьиэ кэргэнин - Сергучевтар дьиэ кэргэн айар киэһэтинэн саҕаланна. Бииргэ төрөөбүттэр – Ольга, Илья, Пётр, Степан, Федор, Саргылаана, Ньургун Сергучёвтар уонна кинилэр оҕолоро, сиэннэрэ кыттыылаах кэнсиэр көрөөччү биһирэбилин ылыан ылла. Сергучевтар улаханныын-кыралыын айбыт, уостан түспэт ырыалара ылланнылар, оҕолор, сиэннэр талааннарын көрдөрөн дьону сөхтөрдүлэр. Сергучевтар ырыаларын эдэр ырыаһыттар, ансаамбыллар ыллааннар бу киэһэни ситэрэн биэрдилэр. СӨ култууратын туйгуна, СӨ үөрэҕэриитин туйгуна, Томпо улууһун Кириэс Халдьаайытааҕы оҕо ускуустубатын оскуолатын уһуйааччыта, Өрөспүүбүлүкэтээҕи элбэх күрэхтэр кыайыылаахтара, уус-уран самодеятельность кыттыылааҕа, 80 тахса ырыа, хоһоон ааптара Ольга Охлопкова-Сергучёва-Чөмчүүнэ, Мэҥэ-Хаҥалас улууһун “Дьүрүлгэн” мелодистарын уонна баянистарын түмсүүтүн чилиэнэ, Өрөспүүбүлүкэтээҕи, улуустааҕы элбэх күрэхтэр кыайыылаҕа, уус-уран самодеятельность кыттыылааҕа, 40 тахса ырыа ааптара Фёдор Сергучёв, өрөспүүбүлүкэтээҕи, улуустааҕы ырыа күрэхтэрин лауреаттара, уус-уран самодеятельность кыттыылааҕа, Сергучевтар дьиэ кэргэн кыра уоллара Ньургун Сергучёв, өрөспүүбүлүкэтээҕи, улуустааҕы элбэх күрэхтэр кыайыылаахтара, уус-уран самодеятельность кыттыылааҕа, 50 тахса ырыа ааптара, аранжировщик-композитор Степан Сергучёв, СӨ тыатын хаһаайыстыбатын туйгуна, ырыа куттаах Илья Сергучёв, СӨ уус-уран самодеятельноһын бэтэрээнэ Пётр Сергучев, Анна Сергучёва кыыһа Лена Григорьева, Пётр Степанович кыыһа, И.Г. Тимофеев аатынан Майатааҕы лицей уонна Майатаа5ы народнай эдэр көрөөччү театрын “Күндүл” үҥкүү ансаамбылын выпускницата, Владивостоктааҕы Уһук Илиҥҥи федеральнай университеты бүтэрэн кэлэн Тараҕай нэһилиэгэр врачебнай амбулатория сэбиэдиссэй-терапевт бырааһынан үлэлии сылдьар Уруйдаана Сергучёва, Степан Сергучев улахан кыыһа, өрөспүүбүлүкэтээҕи, улуустааҕы элбэх күрэхтэр кыайыылаахтара, уус-уран самодеятельность кыттыылааҕа, өрөспүүбүлүкэтээҕи “Муус устар” ыччат бэстибээлин “СулуСтар” ырыа күрэҕин финалиската, Майатааҕы Д.Ходулов аатынан норуот айымньытын дьиэтин уус-уран салайаачыта, эдэр кэскиллээх ырыаһыт Линда Захарова, Степан Сергучев иккис кыыһа, 20 тахса ырыа, хоһоон ааптара, ырыа куттаах Анастасия Протопопова-Сергучёва, Пётр Сергучев сиэнэ Арылхан Оконешников, Степан Сергучев сиэнэ, Докуускайдааҕы 10 № орто оскуола 6-с кылааһын үөрэнээччитэ, “Кындыкаан” үҥкүү академиятын иитиллээччитэ, гимнастка, Чирли́динг көрүҥҥэ 2-с разрядтаах спортсменка Каролина Сергучева, ыалдьыттар: эриэккэс идэлээх - үөһээ сырдык хааллаҥҥа көтөр аалларга күнү-дьылы билгэлээн биэрээччи Айыына Леонтьева, СӨ култууратын үтүөлээх үлэһитэ Сардана Осипова, Мэҥэ-Хаҥалас улууһун “Дьүрүлгэн” мелодистарын уонна баянистарын түмсүүтэ, элбэх өрөспүүбүлүкэтээҕи ырыа күрэхтэрин кыайыылаахтара „Аарык“ квартет, култуура уонна спорт эстэпиэтэтин уус-уран кэнсиэрин лауреаттара “Күндэли” вокальнай ансаамбыл, өрөспүүбүлүкэтээҕи “Эр бэрдэ” эр дьонҥо ырыа күрэҕин Гран При хаһаайына Николай Васильев-Айтамыл, “Туой Хайа-2023” күрэх Гран-При хаһаайката Анна Торохова, „Сардаана“ вокальнай ансаамбыл, “Күндэли” вокальнай ансаамбыл, Евдокия Прохорова, култуура уонна спорт эстэпиэтэтин лауреата, Хорообуттар күтүөттэрэ Алексей Слепцов-Атасхаан, Саха эстрадатын сулуһа, биир дойдулаахпыт Кеша Лебедев-Амикан,“Хомуур” ВИА, “Кыталык” народнай үҥкүү ансаамбылын солиската Алия Дмитриева, “Кыталык” үҥкүү народнай ансаамбыла, Хорообут нэһилиэгин “Күннээйик” үҥкүү ансаамбыла, Алексей Пинигин, Дмитрий Санников, Даниил Алексеев кытыннылар. Көлүөнэ ситимэ – ырыа, Бириэмэ биһигэ – ырыа, Сүрэх төлөнө ‒ ырыа, Санаа көҥүлэ ‒ ырыа, Сомоҕолоһуу туоһута - ырыа, Атас-доҕор алгыһа –ырыа, Дьол доҕуһуола – ырыа, Кэрэ кэрэһитэ – ырыа. Алаас ааттаах, дойду сурахтаах – диэн өбүгэлэрбит таба да эппиттэр эбит. Үтүмэн үйэттэн, өбүгэ саҕаттан, алаас дойду ааттарын - кэлэр кэнчээри ыччаттарынан, дьон сыралаах үлэлэринэн, албан ааттаталлара, суон сураҕырдаллара. Сыллар-хонуктар оҕуруо курдук тиһиллэн усталлар, ырыаҕа-хоһооҥҥо суруллаллар. Айар дьоҕурдаах төрөппүттэр олохторо - ииппит, улаатыннарбыт оҕолоругар, ыччаттарыгар салҕанан барар. Кэлэр кэмнэргэ кэрэни, үтүөнү, үйэлэргэ өйдөбүллээҕи, айылҕа биэрбит талаанын норуотугар анаан, элбэх хаалларбыт үлэтин дьон-сэргэ умнубат буоларыгар оҕолоро, сиэннэрэ, хос сиэннэрэ салҕыыллар, аатын ааттаталлар. Бэйэ устуута туһанылынна.