Ивгъуыд азы бæрæггæнæнтæм гæсгæ Цæгат Ирыстон хор экспорты арвыста 9 бæстæмæ

Ивгъуыд азы бæрæггæнæнтæм гæсгæ Цæгат Ирыстон хор экспорты арвыста 9 бæстæмæ. Уый тыххæй хъусын кæны Уæрæсейы хъæууон хæдзарадмæ цæстдарды Цæгат Кавказы управлени. Бæрæггнæнтæ фæнысан кодта Сергей Меняйло. Дыууадæс мæйы дæргъы Цæгат Ирыстонæй цы хор ласынц, уымæн специалистты карантины фитосанитарон æркаст скодтой йæ 500 тоннæйæн. Фылдæр хор экспорты æрвитынц Сомихмæ. Уырдæм ласынц мæнæу, нартхор æмæ хъæбæрхор. Дыууæ хатты фылдæр продукци æрвитын райдыдтой Туркмæ. Фылдæр агурынц нут, хохаг хъæдур æмæ æндæртæ. Уымæй уæлдай ма, Цæгат Ирыстонæй хор ластой Иран, Ирак, Афганистан, Пакистан, Азербайджан æмæ Сиримæ.