Республикæйы донæй ифтонг кæныны куыстуат хызæгтæ дарддæр бындуронæй ног кæны

Республикæйы донæй ифтонг кæныны куыстуат хызæгтæ дарддæр бындуронæй ног кæны. Къозонты Сардионы æмæ Кадыровы номхæссæг уынгты 'хсæн 208 метры дæргъæн зæронд хæтæл рацарæзтой. Дон сæм арæх кæй нæ уыд, уымæй тыхстысты поселочы цæрджытæ æмæ Æнæнхъæлæджы уавæрты министрады хайады кусджытæ. Ног коммуникациæ æппынкъаддæр фæлæудзысты 50 азы. Куыстытæ фæуынвæнд кæнынц ацы къуыри. Афæдзы райдианæй программæмæ гæсгæ Дзæуджыхъæуы сног кодтой хæтæлты 12 километрæй фылдæр.