Чурапчыга " Ийэ буолан олоҕу салҕаары" кинигэ сүрэхтэннэ

Көһөрүллүү мусуойун төрүттээччитэ, СӨ норуодунай учуутала, Чурапчы улууһун, Хатылы, Болугур нэһилиэктэрин бочуоттаах олохтооҕо Дмитрий Павлович Чечебутов "Ийэ буолан олоҕу салҕаары" диэн биир ураты ис хоһоонноох кинигэтин сүрэхтэниитэ буолла. Кинигэ быйыл Арассыыйаҕа Дьиэ кэргэн, өрөспүүбүлүкэҕэ Оҕо, улууска Ыал саргыта сылыгар тахсыбыта кэрэхсэбиллээх. Саҥа кинигэҕэ көһөрүллүүттэн дойдуларыгар этэҥҥэ тыыннаах эргиллэн кэлэн дьоһуннаах олоҕу олорон, Герой ийэ аатын сүкпүт уонна сэттэттэн элбэх оҕону төрөппүт 19 ийэ туһунан сырдатыллар.