Тăнăç пурнăç шыраса килнисене пулăшаççĕ

Луганск тата Донецк халăх республикисенчен Чăваш Ене тăнăç пурнăç шыраса 1075 çын килнĕ. Вĕсенчен 253-шĕ - ачасем. Вăрçă тискерлĕхĕнчен тарса килнĕ 846 çынна вăхăтлăх пунктсенче вырнаçтарнă, 55-шĕ Чăваш Енрен каялла тухса кайнă, ыттисем тăванĕсем патĕнче чарăннă. Нуша курнисене пурăнма республикăра мĕн пур услови туса панă, социаллă пулăшупа тивĕçтернĕ. Ку тата ытти ыйтăва та тунтикунсерен правительство çуртĕнче иртекен ларура тишкерчĕç.